Partneriaid

Mae cymuned newydd Fushë-Arrëz yn ffinio â chymuned Tropoja i'r gogledd, cymuned Vau i Dejes i'r gorllewin, a chymunedau Puka a Mirdita i'r de-orllewin. I'r dwyrain, mae'n ffinio â chymuned Kukës. Canolbwynt y gymuned hon yw tref Fushë-Arrësi. Mae'r gymuned hon yn cwmpasu 540.42 km2, â dwysedd o 21.55 o drigolion / km2 yn ôl y Gofrestrfa Sifil a 13.70 o drigolion / km2 yn ôl Cyfrifiad 2011. Mae Fushë-Arrëzi yn cynnwys 5 Uned Weinyddol: Fushë-Arrëz, Fierzë, Blerim, Qafë-Mali ac Iballe. Mae'r holl unedau gweinyddol wedi bod yn rhan o ardal Puka ac ardal Shkodra.

Saif tref Mostar ar ran môr y Canoldir o'r Balcanau a Bosnia a Herzegovina, sy'n enwog am ei hanes hir a'i thraddodiad. Mae'n ganolfan economaidd, diwylliannol a thwristaidd sydd â hinsawdd dymunol lle mae dyfrffyrdd yr hen fyd a gwareiddiad y gorllewin yn cwrdd, a lle mae nifer o wahanol ddiwylliannau a chenhedloedd wedi cyd-fyw ers blynyddoedd lawer.

Mae'r Ganolfan Cymorth Seicolegol "Sensus" yn sefydliad anllywodraethol a sefydlwyd fel grŵp anffurfiol ym mis Mai 2010 gan Gymdeithas y Seicolegwyr Ifanc, gan grŵp o fyfyrwyr a myfyrwyr seicoleg. Ers cychwyn ein sefydliad cawn ein tywys gan y dyhead i ddatblygu'n barhaus, i wella ac i wneud cynnydd. Yn ystod y pedair blynedd diwethaf, yn union oherwydd y dyhead hwn, rydym hefyd wedi gwella ein galluoedd ein hunain gyda chyfres o raglenni addysg o amrywiol lwybrau therapiwtig mewn cyfres o weithdai a hyfforddiant.

Sofia yw prifddinas Bwlgaria a hon yw'r ganolfan wleidyddol, weinyddol, ddiwylliannol ac addysgol fwyaf yn y wlad, â phoblogaeth bresennol o 1.8 miliwn o drigolion. Mae Cymuned Sofia yn uned weinyddol sydd â statws rhanbarth ac mae wedi'i rhannu'n 24 o ardaloedd, a weinyddir gan feiri lleol. Mae'r prif weithgareddau yn cynnwys: diogelu'r amgylchedd, gofal iechyd, a gweithgareddau cymdeithasol, addysgol a diwylliannol ar gyfer dinasyddion Sofia. Nodir y nodau a'r mesurau ar gyfer datblygu'r system addysg yng Nghymuned Sofia yn y Strategaeth Addysg ar gyfer cyfnod 2016-2023.

Mae Rhanbarth Istria yn uned hunanlywodraeth ranbarthol yn Croatia. Fe'i rheolir gan Lywydd y Rhanbarth a dau Is-lywydd. Y corff sy'n cynrychioli'r Rhanbarth yw'r Cynulliad Rhanbarthol sy'n cynnwys 45 o gynghorwyr a etholwyd trwy'r etholiadau uniongyrchol. Adrannau gweinyddol yw cyrff gweinyddol Rhanbarth Istrian, a sefydlwyd gwasanaethau'r Rhanbarth i gyflawni gwaith ym mharth hunanlywodraethu'r Rhanbarth, yn ogystal ag ar gyfer cyflawni gwaith mewn perthynas â gweinyddu gwladwriaethol a drosglwyddwyd i'r Rhanbarth. Ar hyn o bryd, ceir 11 o adrannau gweinyddol a 4 o wasanaethau sydd wedi'u lleoli mewn gwahanol ddinasoedd yn Istria, yn unol ag egwyddor datganoli.

Sefydlwyd Cymuned Strovolos yn 1986 yn unol â Chyfraith Cymuned Ν. 111/85 a dyma'r Gymuned ail fwyaf yng Nghyprus ar ôl Limassol, â phoblogaeth o dros 70,000 o drigolion. Ceir cyfeiriadau at Strovolos neu Strovilos ers yr Oesoedd Canol, gan y croniclwr canoloesol adnabyddus Leontios Macheras a chan Forius Boustronius ychydig yn ddiweddarach. Yn ôl y ffynonellau hyn, roedd Strovolos yn faes brenhinol yn ystod y Teyrnasiad Ffrancaidd. Ffigwr pwysig yn hanes Strovolos oedd Kyprianos, y Merthyr o Archesgob Cenedlaethol, a gyfrannodd yn fawr yn ystod Chwyldro 1821 at ddiogelu'r ysbryd Groegaidd a Christnogaeth.

CARDET (Center for the Advancement of Research & Development in Educational Technology) – sefydliad ymchwil a datblygu annibynnol, dielw, ac anllywodraethol o Gyprus yw CARDET, sydd â phartneriaid ym mhedwar ban byd. CARDET yw un o'r sefydliadau mwyaf blaenllaw yn Ewrop-Môr y Canoldir ar gyfer ymchwil a datblygiad. Mae ein tîm yn ymdrechu i gynnig gwasanaethau o'r ansawdd gorau er budd cymdeithas. Rydym yn cydweithio â sefydliadau lleol a rhyngwladol, cyrff cyhoeddus a phreifat, ac ar draws disgyblaethau amrywiol wrth lunio atebion ar gyfer heriau lleol a byd-eang.

Yn Ffrainc, mae'r awdurdodau lleol yn Rhanbarthau sy'n rheoli cydlynu'r holl gamau yn eu tiriogaeth sy'n fuddiol i'r economi. Maent hefyd yn gyfrifol am drefnu trafnidiaeth, hyfforddiant galwedigaethol, cynllunio gofodol a'r amgylchedd, monitro cronfeydd Ewropeaidd ac maent yn treialu amaethyddiaeth a pholisïau datblygu gwledig ar lefel ranbarthol. Hefyd mae'r Rhanbarthau yn gyfrifol am adeiladu, cynnal a chadw a gweithredu ysgolion uwchradd cyffredinol, ysgolion uwchradd galwedigaethol, a sefydliadau addysgol amaethyddol. Yn Normandi (3.3 miliwn o drigolion), ceir 390 o ysgolion uwchradd. Mae gan Gyngor Rhanbarthol Normandi raglen o weithgareddau addysg ar gyfer yr ysgolion hyn.

Mae'r Sefydliad yn diffinio ei genhadaeth yn ôl ei nod cysylltiadol: hyrwyddo ac amddiffyn hawliau dynol, cyfraith ddyngarol ryngwladol a setlo anghydfodau'n heddychlon.. Mae gan ein sefydliad un weledigaeth: Cyfrannu at ddatblygu diwylliant o heddwch drwy gynyddu ymwybyddiaeth o hawliau dynol er mwyn i ddinasyddion wybod amdanynt. Mae perthynas gref rhwng y weledigaeth hon a hanes Normandi, ac yn unol â hynny mae dyletswydd arnom i hyrwyddo diwylliant o heddwch yn ein tiriogaeth a dramor. Gwireddu hawliau dynol yw un o amodau heddwch a democratiaeth.

Fyli is a municipality in the northwestern part of Attica, Greece. It lies in the northeastern corner of the West Attica regional unit and is a suburb of Athens. The seat of the municipality is the town Ano Liosia. Within bounds of the town is the ancient Attic fortress of Fyli. Its construction dates from the 4th-century bc. It has three major departments/communities: Ano Liosia, Fyli & Zefyri. The community of Fyli, although it is located at a short distance from Athens, it is somehow isolated from the large city, thus making it appear as a remote village in the countryside.

Mae ActionAid yn sefydliad annibynnol, rhyngwladol sydd wedi bod yn gweithio ers 1972, gyda thros 15 miliwn o bobl mewn 45 o wledydd dros fyd rhydd rhag tlodi ac anghyfiawnder. Drwy addysg, gweithredu ar y cyd, ac undod, daw ActionAid â newid go iawn i fywydau'r bobl sydd fwyaf ar yr ymylon. Mae'n helpu pobl i ddibynnu ar eu grym eu hunain er mwyn hawlio bywyd o urddas. Mae'n helpu cymunedau lleol i gymryd camau i ddwyn eu llywodraethau i gyfrif, ac mae'n ymuno â sefydliadau lleol i ddadlau yn erbyn polisïau ac arferion sy'n parhau tlodi ac anghyfiawnder cymdeithasol.

Mae Rhanbarth Tysgani yn awdurdod lleol sydd â swyddogaethau o ran rhaglennu a rhoi arweiniad. Mae Rhanbarth Tysgani yn gweithio tuag at wireddu datblygiad llawn person, ac egwyddorion rhyddid, cyfiawnder, cydraddoldeb, undod, parch at urddas personol a hawliau dynol. Fel rhan o hyrwyddo hawliau dynol, mae'r Rhanbarth wedi bod yn trefnu Cyfarfod Rhyngwladol ers 1997. Bellach mae'r digwyddiad hwn yn cael ei gydnabod yn gyfle lle gall sefydliadau a chymdeithas sifil ddod ynghyd i ymdrin â phroblemau sy'n ymwneud â hawliau dynol cyffredinol a chynnig atebion a ysbrydolir gan heddwch, undod a democratiaeth.

Mae Oxfam Italia yn sefydliad annibynnol di-elw sy'n rhan o glymblaid ryngwladol fawr Oxfam, lle mae 20 o sefydliadau yn gweithio mewn mwy na 90 o wledydd i ymladd anghyfiawnder tlodi yn ein byd. Mae un o bob tri o bobl yn y byd yn byw mewn tlodi. Mae Oxfam yn benderfynol o newid y byd hwnnw drwy ddefnyddio grym pobl yn erbyn tlodi. Ledled y byd, mae Oxfam yn gweithio i ddod o hyd i ffyrdd arloesol, ymarferol y gall pobl drechu tlodi a ffynnu. Rydym yn achub bywydau ac yn helpu i ailadeiladu bywoliaethau pan daro argyfyngau. Ac rydym yn ymgyrchu fel y gall lleisiau'r tlawd ddylanwadu ar benderfyniadau lleol a byd-eang sy'n effeithio arnynt.

Mae Cymuned Vila Franca de Xira yn rhan o Lisbon Fwyaf ac yn un o'r 18 o gymunedau sy'n rhan o Ardal Fetropolitan Lisbon. Mae cymuned Vila France de Xira tua 318 Km2, sy'n cyfateb i tua 11% o gyfanswm Ardal Fetropolitan Lisbon a 23% o Lisbon Fwyaf, gan ychwanegu chwech o blwyfi. Yn ôl canlyniadau terfynol Cyfrifiad Cyffredinol Poblogaeth a Thai y Sefydliad Ystadegau Cenedlaethol, ar 21 Mawrth, 2011 (Cyfrifiad 2011), poblogaeth breswyl Vila Franca de Xira oedd 136,886 o unigolion: 65,808 o ddynion (48.07%) a 71,078 o ferched (51.93%), sef y gymuned 8fed uchaf ei phoblogaeth yn Lisbon Fwyaf (6.70%) a 10fed uchaf Ardal Fetropolitan Lisbon (4.85%).

Sefydliad Anllywodraethol Portiwgalaidd ar gyfer Datblygu yw AIDGLOBAL, a gydnabyddir gan Weinyddiaeth Materion Tramor Portiwgal, sy'n ceisio hyrwyddo Gweithredu tuag at Integreiddio a Datblygu, ar raddfa Fyd-eang. Ein gweledigaeth a'n her yw gwneud y byd yn lle tecach a mwy cynaliadwy i fyw ynddo ac yn un sydd â lefelau uchel o lythrennedd ac addysg, gan hyrwyddo dinasyddiaeth weithredol. Rydym yn gweithio er mwyn nodi, dylunio, a gweithredu strategaethau a chamau gweithredu sy'n cyfrannu at waredu'r rhwystrau i addysg a chynhwysiant cymdeithasol yn y Gymuned o Wledydd sy'n Siarad Portiwgaleg, gan weithio'n uniongyrchol â'r boblogaeth ac awdurdodau lleol.

Lleolir Bwcarest ar lannau Afon Dâmboviţa, sy'n llifo i Afon Argeş, un o isafonydd Afon Donwy (Danube). Fel sy'n wir yn achos sawl dinas, ystyrir bod gan Fwcarest saith bryn, yn debyg i Saith Bryn Rhufain. Mae statws unigryw gan Fwcarest mewn gweinyddiaeth Rwmanaidd, gan taw hon yw'r unig gymuned nad yw'n rhan o sir. Fodd bynnag, mae ei phoblogaeth yn uwch nag unrhyw sir Rwmanaidd, ac felly mae'r grym sydd gan Neuadd Dinas Gyffredinol Bwcarest, sef corff llywodraeth leol y ddinas, tua'r un peth â chynghorau sir Rwmania, os nad yn fwy.

Cymorth a Rhaglenni ar gyfer Datblygu Cynaliadwy – sefydliad anllywodraethol Rwmanaidd yw Agenda 21" sy'n weithredol ar lefel genedlaethol. Nid yw'r sefydliad yn gysylltiedig ag unrhyw gyrff gwleidyddol na chrefyddol. Fe'i sefydlwyd ym mis Mai 2003 gyda'r nod o gefnogi polisïau Romania ac ymdrechion i hybu a gweithredu amcanion datblygu cynaliadwy yn Rwmania. Ein gwaith yw datblygu partneriaethau gydag awdurdodau lleol er mwyn gwerthfawrogi mentrau lleol a chynyddu effeithlonrwydd llywodraethu leol, i gryfhau rôl gweithredwyr cymdeithasol sydd â photensial uchel o ran gorfodi datblygu cynaliadwy.

Cyngor Dinas Glasgow yw'r awdurdod lleol mwyaf yn yr Alban. Mae'n ganolog i fywyd diwylliannol, chwaraeon, ac academaidd yr Alban, ac mae'n un o ddinasoedd mwyaf bywiog a chosmopolitan Ewrop. Mae gan y Cyngor gyllideb flynyddol o fwy na £2.4 biliwn ac mae'n gyfrifol am ddarparu gwasanaethau, gan gynnwys addysg, gwaith cymdeithasol, ffyrdd, glanhau a hamdden. Glasgow yw dinas fwyaf yr Alban, ac mae ganddi ychydig dros 600,000 o ddinasyddion. Mae cyfoeth o hanes gan y ddinas ac mae ei threftadaeth wedi'i seilio ar Afon Clyde ac ar gryfder ei phobl a'u balchder yn y ddinas, ei hysbryd a'i hamrywiaeth.

Prifysgol Glasgow, a sefydlwyd yn 1451, yw'r brifysgol bedwaredd hynaf yn y byd Saesneg ei iaith. Rydym ymysg y 100 o brifysgolion gorau yn y byd ac wedi cael ein henwi'n Brifysgol Albanaidd y Flwyddyn gan The Sunday Times a The Sunday Times Good University Guide 2018. Rydym yn aelod o Group Russell, sy'n cynnwys y prifysgolion mwyaf blaengar yn y DU o ran ymchwil. Drwy ein hymchwil, ein nod yw dylanwadu ar bolisi ar bob lefel i fynd i'r afael ag anghydraddoldeb a chyflawni byd tecach. Mae ymarfer seiliedig ar dystiolaeth yn llywio'r ffordd rydym yn effeithio ar bolisi drwy ein gwaith gyda chymunedau, ymarferwyr a gwleidyddion. Rydym yn credu taw ymchwil flaengar yw sail polisïau sy'n newid y byd.

Mae Adran Addysg Cyngor Sir Caerfyrddin yn gyfrifol am bob agwedd ar addysg 0-18 oed, gan gynnwys hyfforddi staff addysgu yn ogystal ag addysg i bobl ifanc, addysg i oedolion ac addysg gymunedol. Ceir 100 o ysgolion cynradd, 12 o ysgolion uwchradd a 2 ysgol arbennig yn yr awdurdod lleol. Ers yr 1990au, mae ymrwymiad cryf wedi bod i nodi arfer effeithiol mewn gwahanol feysydd addysgol yn Ewrop ac i helpu staff i elwa ar ddatblygiad proffesiynol dramor yn cynnwys drwy gysylltu ysgolion yn rhyngwladol. Mae llawer o'n hysgolion wedi cymryd rhan mewn prosiectau llwyddiannus a ariennir gan yr UE, yn ogystal â phartneriaethau ag ysgolion mewn gwledydd sy'n datblygu megis Lesotho - gwlad sydd gefeillio â Chymru.

Rydym yn helpu i greu newid cadarnhaol fydd yn para yn Lesotho yn Ne Affrica - ac mewn cymunedau yma yng Nghymru. Sut ydym yn gwneud hyn? Dolen wrth ddolen. Rydym yn cyflwyno gweithwyr proffesiynol o ysgolion, ysbytai a sefydliadau eraill sy'n rhannu syniadau ac ymagweddau. Felly mae un athro yn dysgu techneg newydd gan un arall – ac yna mae'n addysgu'r dechneg honno i'w gydweithwyr, sydd wedyn yn mynd ymlaen i ddangos i eraill sut mae gwneud hynny hefyd. Oherwydd eu bod yn cydweithio, mae ysgolion yn gwella, mae cymunedau'n gwella, ac mae rhanbarthau cyfan yn gwella. Mae plant yn tyfu lan wedi'u grymuso, ac mae ganddynt eu syniadau eu hunain i'w rhannu. Yng Nghaerdydd mae ein swyddfa yn y DU, ond rydym yn gweithio gyda chymunedau a phobl broffesiynol ar draws Cymru gyfan.