Allbynnau
1. Adnoddau a dulliau arloesol ynghylch pynciau datblygu mewn addysg ffurfiol ar gael ac wedi'u hintegreiddio yn y cwricwlwm ysgol;
2. Mwy o ymwybyddiaeth gan fyfyrwyr a disgyblion o Nodau Datblygu Cynaliadwy 11, 13, ac 16 ac o ryng-ddibyniaethau byd-eang rhwng yr Undeb Ewropeaidd a gwledydd sy'n datblygu, yn ogystal â'u gallu i chwarae rôl a chyflawni eu cyfrifoldebau tuag at gymdeithas drawsnewidiol;
3. Gwella capasiti awdurdodau lleol ac ymgysylltu â nhw wrth ddatblygu addysg a chynyddu ymwybyddiaeth ynghylch eu lefel is-genedlaethol eu hunain
Methodoleg
Cydweithio ar draws y wlad ac ymagwedd gyfranogol:
Mae Walk the Global Walk yn gwella cydweithrediad ymysg gwledydd Ewrop ac yn ehangu amgylchedd ffafriol ar gyfer cynyddu ymwybyddiaeth o ddatblygu cynaliadwy ac mae'n gwneud hynny drwy gynnwys partneriaid yn y gwaith o ddylunio gweithgareddau er mwyn gwarantu eu cynaliadwyedd mewn cyd-destunau cenedlaethol.
Methodoleg sy'n canolbwyntio ar y dysgwr a dull Cyfoedion
Cynhwysir dysgwyr mewn proses er mwyn meithrin dealltwriaeth a dysg ddofn ynghylch Nodau Datblygu Cynaliadwy a materion hawliau dynol, er mwyn ystyried a gwerthuso beth maent wedi ei ddysgu ac yn dilyn hynny, gweithredu. Bydd arweinwyr ifanc yn dod yn hyfforddwyr, a gofynnir iddynt ddatgloi potensial eu Cyfoedion a bod yn weithredwyr i ddatblygiad.
Grymuso athrawon:
Mae prosiect Walk the Global Walk yn rhoi'r adnoddau sydd eu hangen ar athrawon i wneud addysg dinasyddiaeth fyd-eang yn rhan annatod o gwricwlwm ysgol, ac, yn y ffordd hon cynnig golwg wahanol ar yr ysgol i'r disgybl, sydd wedi'i ymddieithrio mwyfwy gan bellteroedd sy'n gwahanu ysgol oddi wrth heriau byd-eang maent yn eu hwynebu yn eu bywydau bob dydd.
Defnydd o dechnolegau newydd:
Bydd datblygu a defnyddio'r llwyfan ar-lein rhyngweithiol fel prif "hwb" ar gyfer holl weithgareddau'r prosiect yn meithrin rhyngweithio rhwng myfyrwyr, addysgwyr ac athrawon mewn gwledydd gwahanol, gan wneud iddynt deimlo'n rhan o gymuned fwy a byd-eang.
